पाऊस नवा……… पाऊस हवा..
प्रत्येक ढगात… आठवणींचा थवा ..
पाऊस पायवाट… पाऊस हिरवळ..
मातीतून सुटलेली सुगंधी दरवळ..
पाऊस जरासा.. पाऊस भरोसा..
आठवणीच्या पागोळीस …जरासा दिलासा..
पाऊस दिशा.. पाऊस आशा
सरींच्या नशेत…धुंदल्या दिशा..
पाऊस नदी… पाऊस झरा…
पाना-पानातून वाहणारा गार वारा…
पाऊस तुफान.. पाऊस दर्याला उधाण..
उसळत्या लाटांना… प्रेमाची आण..
पाऊस शांत… पाऊस चिंब..
डोळ्यात भिजलेले तुझे प्रतिबिंब…
पाऊस तू.. पाऊस मी…
जगण्याच्या उत्साहाची…आल्हाददायक हमी..
स्पंदन 